Le stel-monete's es un fable da le fratro's Grimm. Le tekste es tradukta ek le germanum da Andoromeda..
LE STEL-MONETE'S
Olim vas un lit puela. Elsui patro e matra had moria e el vas tantim povri, ke el non plus had un cambrete por loja in it e nul bed plus por dorma in it e finalim el had non plus altrim kam le veste's sur su korpe e un piese de pane in le manu, ko-em un miserikordi alme had donased a el. Le puela vas bon e pia.
E por ke el vas talim oblivied del toti monde, el in fide a deo vada for ad un kampe.Ta el did renkontra un povri viro, ki dired: "Pli dona a me eni por manja, me es tantim hungrozi!" El dona a il le tot piese de pane e dired: "Mey deo benedikta it por tu," e el did kontinua su vie. Tan vened un infante e ol lamented: "It es talim koldi a me ye le kape. Dona a me eni, per to me pot kovra it." Tan le puela desmeta su bonete e el did dona it a ol. E kvan el vaded ankor un tempe, un altri infante did vena e ol non had un robete e ol frosted: Do le puela doned a ol le elsui. E ankor un altri infante preged pri un jupete. E le puela ank doned a ol elsui jupete.
Finalim el atinged un boske e it vas ja obskuri. E ankor un infant vened e pregad pri un kamisete e le puela did pensa: "Es ja tenebrozi nokte, nule ve vida me, me ya pot dona ank mei kamise". El desmeted le kamise e dona ank it fro.
E kvan el stared talim hant nulum plus, subitim faled le stele's ek le siel. E to esed multi hardi brilant monete`s. E benke el had dona fro su kamisete, el did es nun vestat in un nov kamisete e it es ek le maxs fini linje. El kolekta omni le monete´s in su kamisete e el vas riki durant sui toti vive.